Wathan Edhey Gothah - MDP

editor — Wed, 29 Oct 2008 16:24:24 +0000

Photos by Mauroof Khaleel

editor — Wed, 29 Oct 2008 16:06:13 +0000

[flashvideo filename=anni_statement.flv image=http://voteanni.com/wp-content/uploads/anni_state.jpg /]

editor — Wed, 29 Oct 2008 12:02:55 +0000

އިސްލާހީ ޕާޓީތަކުގެ އިއްތިހާދުން އުފައްދާ ސަރުކާރުވާނީ ރައްޔިތުންގެ މަސްލަހަތަށް އިސްކަންދޭ އިސްރާފުނުކުރާ ސަރުކާރަކަށް – ޑރ ވަހީދު

editor — Mon, 27 Oct 2008 17:25:31 +0000

ވަތަން އެދޭގޮތަށް ގުޅިފައިވާ އިއްތިހާދުގެ ފަރާތުން އުފައްދާ ސަރުކާރުވާނީ ރައްޔިތުންގެ މަސްލަހަތަށް އިސްކަންދޭ އިސްރާފުނުކުރާ ސަރުކާރަކަށް ކަމުގައި އެމްޑީޕީ އިއްތިހާދުގެ ރަނިންމޭޓް ޑރ މުހައްމަދު ވަހީދު ހަސަން މަނިކު ވިދާޅުވެއްޖެއެވެ.

ޑރ ވަހީދު މިގޮތަށް ވިދާޅުވީ ވަތަން އެދޭ ކެމްޕޭންގެ ފަރާތުން ބޭއްވި ފަހު ޖަލްސާގައެވެ. ޑރ ވަހީދު ވިދާޅުވި ގޮތުގައި ދިވެހިންނަށް ދެން ފެންނަ ސަރުކާރުވާނީ މިހާތަނަށް ދިވެހިންނަށް ތަޖުރިބާ ކުރެވިފައި ނުވާފަދަ ގާބިލް ސަރުކާރަކަށެވެ. އަދި އެސަރުކާރުން ރައްޔިތުންނާއި ކުރިމަތިލާނީ ރައްޔިތުންގެ ހާދިމުންގެ ގޮތުގައެވެ.

ޑރ ވަހީދުގެ އިތުރުން މިޖަލްސާގައި ވާހަކަ ދެއްކެވި ޖުމުހޫރީ ޕާޓީގެ ލީޑަރ ގާސިމް އިބްރާހިމް ވަނީ އެމްޑީޕީ އިއްތިހާދުގެ ކެންޑިޑޭޓް މުހައްމަދު ނަޝީދަށް ވޯޓު ދިނުމަށް ގާސިމް ދެންނެވިކަމަށް ރައްޔިތުންނަށް އަންގައިދިނުމަށް އެޖަލްސާ ބެލިމީހުންނަށް ގާސިމް ގޮވާލެއްވިއެވެ. އަދި މުހައްމަދު ނަޝީދަށް ކާމިޔާބު ލިބިމުން މައުމޫނު އަންގައިގެން ރައްޔިތުންނާއި ދެކޮޅަށް ގާނޫނާއި ޚިލާފު އެއްވެސް ފިޔަވަޅެއް ނޭޅުމަށް ދިވެހި ސިފައިންނާއި ފުލުހުންނަށް ގާސިމް އިބްރާހިމް ގޮވާލެއްވިއެވެ.

މީގެ އިތުރުން ރޭ ވާހަކަ ދެއްކެވި ޖުމުހޫރީ ޕާޓީގެ ދިޔާނާ ސައީދު ވަނީ ގަނީމާ މުދާ ބަހާހެން ވެރިކަން ބެހުމުގެ ފުރުސަތު މައުމޫނަށާއި އޭނާގެ އާއިލާއަށް ނުދިނުމަށް ގޮވާލައްވާފައެވެ. މީގެ އިތުރުން ގުޅިފައިވާ އިއްތިހާދުގެ ޕާލިމަންޓްރީ ގްރޫޕްގެ ވިޕް ރީކޯ މޫސާ މަނިކުވަނީ ހަސަން އީވާން ނަސީމު ތަޅާ މަރާލި މައްސަލައާއި ޖަލުގައި ބަޑިޖެހި ހާދިސާގެ ރިޕޯޓުން އުނިކޮށްފައިވާ ބައިތައް ރައްޔިތުންނަށް ކިޔައިދެއްވާފައެވެ. މޫސަ މިބައިތައް ކިޔައިދެއްވުމުން އެސްއެލްޕީގެ އިބްރާހިމް އިސްމާއިލް ވާހަކަ ދައްކަވަމުން ވިދާޅުވީ އިންފޮމޭޝަން މިނިސްޓަރ ނަޝީދަކީ އެބައިތައް ކަނޑައެޅިގެން އެގި ހުންނަވާ ޒާލިމެއްގެ ފަހަތުގައި މަސައްކަތްކުރައްވާ ބޭފުޅެއްކަމުގައެވެ. އަދި ރައްޔިތުންނަށް ލޯތްބެއް ހުރި އެކަކުވެސް މައުމޫނުގެ ފަހަތުގައި މިހާރު ނުހުންނާނެ ކަމުގައި އިބްރާ ވިދާޅުވިއެވެ.

މިޖަލްސާގައި ވާހަކަ ދައްކަވަމުން އެމްޑީޕީގެ ޕާލިމަންޓްރީ ގްރޫޕްގެ ރައީސް ހަސަން އަފީފް ވަނީ މިގައުމުގެ އިގްތިސާދު ސަލާމަތްކުރުމަށްޓަކައި އަދުގެ ސަރުކާރުގެ ބަދަލުގައި މުހައްމަދު ނަޝީދަށް ވޯޓު ދިނުމަށް ގޮވާލައްވާފައެވެ.

ނޮވެމްބަރު 11 އަށް މިސްރާބު މިޖަހަނީ ވެރިކަން ލިބޭއިރު ހަޒާނާގައި ލޯލާރިއެއް ނެތަސް ގައުމު އޮމާންކަމާއި އެކު ހިންގޭނެ ކަމުގެ ޔަގީންކަމާއި އެކު – ކެންޑިޑޭޓް ނަޝީދު

editor — Mon, 27 Oct 2008 17:22:21 +0000

ނޮވެމްބަރު 11 އަށް މިސްރާބު ޖަހަނީ ވަތަން އެދޭ ގޮތަށް ގުޅިފައިވާ އިއްތިހާދަށް ވެރިކަން ލިބޭ އިރު ގައުމުގެ ހަޒާނާގައި ލޯލާރިއެއް ނެތްނަމަވެސް ގައުމު އޮމާންކަމާއި އެކު ހިންގޭނެ ކަމުގެ ޔަގީންކަމާއި އެކުގައިކަމަށް އެމްޑީޕީ އިއްތިހާދުގެ ރިޔާސީ ކެންޑިޑޭޓް ވިދާޅުވެއްޖެއެވެ.

މުހައްމަދު ނަޝީދު (އަންނި) މިހެން ވިދާޅުވީ ވަތަން އެދޭގޮތަށް ހިންގި ކެމްޕޭންގެ އެންމެ ފަހު ޖަލްސާގައެވެ. ރޭ ބޭއްވި މިޖަލްސާގައި ނަޝީދު ވިދާޅުވި ގޮތުގައި ގައުމު އޮމާންކަމާއި އެކު ހިންގުމަށް 300 މިލިއަން ޑޮލަރު ބޭނުންވެއެވެ. އަދި އެފައިސާ ވެރިކަމާ ހަވާލުވާތާ 15 ދުވަހާއި 20 ދުވަހާއި ދެމެދުގެ މުއްދަތެއްގެ ތެރޭގައި ހޯދޭނެކަމުގެ ޔަގީންކަން މިހާރު ލިބިވަޑައިގެންފައިވާކަމަށްވެސް ނަޝީދު ރޭ ހާމަކުރައްވާފައިވެއެވެ. ނަޝީދު ވިދާޅުވި ގޮތުގައި މާލީ އިދާރާތަކުގެ އެހީއާއި އެތެރޭގެ ބައެއް ތަރުތީބުތައް ބަދަލުކޮށްލުމުން މިފައިސާ ހަޒާނާއަށް އެތެރެވާނެއެވެ.

މީގެ އިތުރުން ނަޝީދު ރޭ ވިދާޅުވިގޮތުގައި މިގައުމު މިދަނީ ރައްޔިތުންގެ ވެރިކަމަކަށް އަލިވިލެމުންނެވެ. އަދި މިކާމިޔާބުގެ ތުންފަތްމައްޗަށް ގެނެސްދެއްވީތީވެ މާތް ﷲ ހަޟްރަތަށް ޝުކުރުވެރިވުން މިއަދު ވާޖިބް ވެފައިވާކަމުގައިވެސް ނަޝީދު ވިދާޅުވިއެވެ.

ހެޔޮވެރިކަމެއް އައިސްގެން އެއްވެސް ބަޔަކަށް ގެއްލުމެއް ނުވާނެކަމުގައި ނަޝީދު ވިދާޅުވިއެވެ. އަދި ބަދަލު ހިފުމުގެ ހިތަކަށް ހެޔޮވެރިކަމުގެ ނިޒާމެއް ގާއިމްނުކުރެވޭނެ ކަމުގައިވެސް ނަޝީދު ވިދާޅުވިއެވެ. ފުލުހުންނަށާއި ސިފައިން އަދި ސަރުކާރުގެ މުވައްޒަފުންވެސް މިގައުމުގައި ހެޔޮވެރިކަމެއް ގާއިމް ވާތީ ބިރުގަންނަން ޖެހޭ އެއްވެސް ސަބަބެއް ނެތްކަމުގައި ނަޝީދު ވިދާޅުވިއެވެ. އަދި ޑިމޮކްރަސީއަކީ އެންމެންނަށް ފައިދާވާ ނިޒާމެއްކަމުގައިވެސް ނަޝީދު ވިދާޅުވިއެވެ.

ވަރަށް ފުރިހަމަ ދިރާސާއަކުން ކެންޑިޑޭޓް ނަޝީދާއި ނަޞާރާ ދީނާއި އެއްވެސް ގުޅުމެއް ނެތްކަން ސަރުކާރަށް މީގެ ކުރިންވަނީ ސާފުވެފައި – ޑރ ހަސަން ސައީދު

editor — Mon, 27 Oct 2008 16:25:41 +0000

އެމްޑީޕީއަށް ނަޞާރާ ފައްޅިތަކުން ޚަރަދުކުރާކަމަށާއި އެމްޑީޕީ އިއްތިހާދުގެ ރިޔާސީ ކެންޑިޑޭޓް މުހައްމަދު ނަޝީދާއި ނަޞާރާ ދީނާއި ގުޅުންތަކެއް ހުރިކަމަށް އަދުގެ ސަރުކާރުން ބުނަމުންދާ ވާހަކަތަކަކީ ރޯބުހުތާން ދޮގުކަމަށާއި އެކަން ސަރުކާރުން ކުރި ވަރަށް ފުރިހަމަ ދިރާސާއަކުން ސާބިތުވެފައިވާކަމުގައި ޑރ ހަސަން ސައީދު ވިދާޅުވެއްޖެއެވެ.

ޑރ ހަސަން މިފަދައިން ވިދާޅުވީ ވަތަން އެދޭގޮތަށް ކެމްޕޭންގެ ފަރާތުން އެންމެ ފަހުން ބޭއްވި ޖަލްސާގައެވެ. އެމްޑީޕީއަށް ނަޞާރާ ފައްޅިތަކުން ފައިސާ ލިބޭތޯ ބެލުމަށް އިނގިރޭސި ވިލާތުގެ ކުންފުންޏަކާއި ހަވާލުކޮށްގެން ކުރި މިދިރާސާއިން ހާމަވެފައިވަނީ އެމްޑީޕީއާ އަދި މުހައްމަދު ނަޝީދާއި ނަޞާރާ ދީނުގެ ފައްޅިތަކާއި އެއްވެސް ގުޅުމެއް ނެތްކަމުގައިކަމަށް ޑރ ހަސަން ވިދާޅުވިއެވެ. އަދި މިރިޕޯޓު ހާމަކުރުމަށް ރައީސް މައުމޫނަށް ޑރ ހަސަން ގޮވާލެއްވިއެވެ.

މިޖަލްސާގައި ޑރ ހަސަން ވަނީ މިފަހަރުގެ ވޯޓު މުހައްމަދު ނަޝީދަށް ދީގެން ނޫނީ މިގައުމަށް ބަދަލެއް ނުގެނެވޭނެކަމުގައި ވިދާޅުވެފައެވެ. އަދި މައުމޫނަށް ދެވޭ ވޯޓަކީ އެއީ އިހާނާތެއް ކަމަށާއި ޑީއާރުޕީގެ މެމްބަރުންވެސް އިހުލާސްތެރިކަމާއި އެކު މައުމޫނަށް ދެއްވާ ވޯޓަކީ އެއީ އެމަނިކުފާނުގެ ކޮއްކޯފުޅު އަބްދުﷲ ޔާމީނަށް ދެވޭ ވޯޓެއް ކަމުގައި ޑރ ހަސަން ހާމަކުރެއްވިއެވެ. ޑރ ހަސަން ވިދާޅުވިގޮތުގައި މިއިންތިހާބު ނިމުނު ނަމަވެސް ޑިމޮކްރަސީ އެއް ނުގެނެވޭނެކަމުގައެވެ. ނަމަވެސް ޑިމޮކްރަސީ ރާއްޖެއަށް ގެނެވޭނީ ޔާމީނާއި ސަރުކާރުގެ ކިބައިން ރައްޔިތުންގެ މަޖިލިސް މިނިވަންކޮށްގެން ކަމަށާއި އަންނަ މަޖްލިސް އިންތިހާބުގައިވެސް އެއްބަޔަކު އަނެއްބަޔަކު ނުކޯޅި އިންތިހާބު އެކުގައި ކާމިޔާބުކުރުމަށް ޑރ ހަސަން ގޮވާލެއްވިއެވެ.

ވަޠަން އެދޭ ގޮތަށް ޚާއްޞަ ޙަފުލާ

editor — Sun, 26 Oct 2008 23:16:48 +0000

އިއްތިހާދުގެ ސަރުކާރަކުން ފުރަތަމަ ތިންމަސްދުވަހު އޮމާންކަމާއިއެކު ސަރުކާރު ހިންގެވުމަށް ބޭނުންވާނެ ފައިސާގެ އަދަދު ކެންޑިޑޭޓް ނަޝީދު ހާމަކުރައްވައިފި

editor — Sun, 26 Oct 2008 23:06:42 +0000

ވަތަން އެދޭގޮތަށް ގުޅިފައިވާ އިއްތިހާދުގެ ސަރުކާރެއްގެ ފުރަތަމަ ތިންމަސްދުވަހު އޮމާންކަމާއިއެކު ސަރުކާރު ހިންގެވުމަށް ބޭނުންވާނެ ކަމަށް ލަފާކުރާ ފައިސާގެ މިންވަރު ހާމަކުރައްވައިފިއެވެ. މިއަދަދު ހާމަކުރެއްވީ މިއަދު ބޭއްވި ނޫސްކޮންފަރެންސްއެއްގައި އެމްޑީޕީ އިއްތިހާދުގެ ރިޔާސީ ކެންޑިޑޭޓް މުހައްމަދު ނަޝީދު (އަންނި)އެވެ.

ނަޝީދު މިއަދު ވިދާޅުވި ގޮތުގައި މިއަދު މައުލޫމާތު ލިބެވެމުންދަނީ ބޭންކަތަކުން ފައިސާ ނުލިބޭކަމަށާއި ސަރުކާރުގެ މަޝްރޫއުތައް ހިންގާފައިވާ ކުންފުނިތަކަށް ލިބެންޖެހޭ ފައިސާތައް ނުލިބޭކަމަށެވެ. އަދި ސަރުކާރުގެ މުވައްޒަފުންނަށް މުސާރަދޭން ފައިސާ ހުރިކަންވެސް ސާފުނުވާކަމުގައި ނަޝީދު ވިދާޅުވިއެވެ.

ނަޝީދު މިއަދު ހާމަކުރެއްވި އަދަދުތަކަކީ ގައުމުގެ އިގްތިސާދީ ހާލަތު އެންމެ ދަށުގައި ހުއްޓަސް އަލުން ރަގަޅު ފެންވަރަކަށް ގައުމު ގެންނަން ކޮންމެހެން ބޭނުންވާ އަދަދުތަކެއް ކަމަށް އެބޭފުޅާ ވިދާޅުވިއެވެ. އަދި މިފައިސާ 20 ވަރަކަށް ދުވަހުގެ ތެރޭގައި ލިބިވަޑައިގަންނަވާނެކަމުގެ ޔަގީންކަން މިހާރު ލިބިވަޑައިގެންފައިވާކަމަށްވެސް ނަޝީދު މިއަދު ހާމަކުރެއްވިއެވެ.

ތިންމަސްދުވަހުގެ ތެރޭގައި ގައުމު ހިންގުމަށް ނަޝީދު ހާމަކުރެއްވި އަދަދަކީ 359 މިލިއަން ޑޮލަރެވެ. މީގެ ތެރޭގައި ހިމެނެނީ 3 މަސްދުވަހުގެ ތެރޭގައި ކާޑުގެ ބާވަތްތައް ގަތުމަށް 100 މިލިއަން ޑޮލަރު، ސަރުކާރު މުވައްޒަފުންގެ މުސާރަ ދިނުމަށް 975 މިލިއަން ރުފިޔާ، ސިއްހީ ދާއިރާ އަދި ތައުލީމީ ދާއިރާއަށް ޚަރަދުކުރުމަށް 940 މިލިއަން ރުފިޔާ، ބަދަރުގެ މަސައްކަތްތައް ކުރިޔަށް ގެންދިޔުމަށް 240 މިލިއަން ރުފިޔާ، ސަރުކާރުގެ ލޯނުތައް އަދާކުރުމަށް 204 މިލިއަން ރުފިޔާ، ސަރުކާރުގެ ކޮންޓްރެކްޓް މަސައްކަތްތައް ކުރިޔަށް ގެންދިޔުމަށް 500 މިލިއަން ރުފިޔާ، ކުނި ނައްތާލުމުގެ މަސައްކަތްތައް ފަދަ ކަންތައް ކުރުމަށް 100 މިލިއަން ރުފިޔާ، ރާއްޖޭގެ ސަރަހައްދު ބެލެހެއްޓުމާއި އަމަން ބެލެހެއްޓުމަށް 375 މިލިއަން ރުފިޔާއެވެ.

މިފައިސާ ހޯއްދަވާނެ ގޮތްތަކެއް ކަމަށް ނަޝީދު ހާމަކުރެއްވީ ދައުލަތުގެ މުދަލުގެ ގޮތުގައި ހުރި ބައެއް ލޯންޗާއި ކާރު ފަދަ އަގު ބޮޑެތި މުދާ ވިއްކަވައިގެންނާއި ދައުލަތުގެ އެކައުންޓުތަކުގައި ނޫންގޮތަކަށް ހުރި ދައުލަތުގެ ފައިސާ އަނބުރާ ހޯއްދަވައިގެންނާއި ބޭރުގައުމުތަކުގައި ހުރި ސަރުކާރުގެ ބިން ބިމާއި ގޯތި ވިއްކަވައިގެން އަދި ބައިނަލްއަގްވާމީ މާލީ އިދާރާތަކުން ދެއްވާނެ އެހީއިންނެވެ.

މީގެ އިތުރަށް ނަޝީދު މިއަދުވަނީ ރާއްޖޭގެ ހާލަތު ދަށްވި ނަމަވެސް އިއްތިހާދުގެ ސަރުކާރަކުން ނުކުރާނެ ބައެއްކަންތައް ފާހަގަކުރައްވާފައެވެ. މިގޮތުން ސްޓެލްކޯއިން މިހާރު ކަރަންޓުގެ ފީއަށް ނަގާ އަގު ބޮޑު ނުކުރާނެ ކަމަށާއި ، ދިވެހި ރުފިޔާގެ އަގު މިހާރު ހުރި ވަރަށްވުރެ ތިރިއަށް އަގު ދަށްނުކުރާނެކަމަށާއި، ތަކެތީގެ އަގު މައްޗަށް ނުގެންދާނެކަމަށް، މަސްގަންނަ އަގު ދަށް ނުކުރާނެކަމަށާއި ސަރުކާރުގެ މުވައްޒަފުންގެ މުސާރައަށްވާ ފައިސާ ވަކި އެކައުންޓްތަކެއްގައި ގެންގުޅުއްވާނެކަމަށް ނަޝީދު މިއަދު ވިދާޅުވިއެވެ.

ނަޝީދު މިއަދު ވިދާޅުވީ މިއަދުގެ މިއަންދާޒާތަކާއި މެދު ވަތަން އެދޭގޮތަށް ގުޅިފައިވާ އިއްތިހާދުގެ އެއްވެސް ފަރާތެއްގެ މެދުގައި ހިޔާލުތަފާތުވުމެއް ނެތްކަމުގައެވެ.

Photos by M I Maniku

ޓޫރިޒަމް އެމްޕްލޯއީސް އެސޯސިއޭޝަން އޮފް މޯލްޑިވްސް އިން ވަތަން އެދޭ ގޮތަށް ގުޅިފައިވާ އިއްތިހާދަށް ތާއީދުކުރުމަށް ނިންމަވައިފި

editor — Sun, 26 Oct 2008 23:02:03 +0000

ޓޫރިޒަމް އެމްޕްލޯއީސް އެސޯސިއޭޝަން އޮފް މޯލްޑިވްސް (ޓީމް) އިން ވަތަން އެދޭގޮތަށް ގުޅިފައިވާ އިއްތިހާދަށް ތާއީދުކުރުމަށް ނިންމަވައިފިއެވެ.

ޓީމްގެ ފަރާތުން ވާހަކަ ހާމަކޮށްފައިވަނީ މިއަދު ވަތަން އެދޭ އިއްތިހާދުގެ ފަރާތުން ބޭއްވި ނޫސްކޮންފަރެންސްއެއްގައެވެ. ޓީމްގެ ފަރާތުން މިއަދުގެ ބައްދަލުވުމުގައި ބައިވެރިވެވަޑައިގަތީ މައުރޫފް، ނަސްރުﷲ އަދި ސޮލާހެވެ.

މިބޭފުޅުން މިއަދުވަނީ ދިވެހި ގައުމު މިދެކޭ އަނިޔާވެރި ދުވަސްތައް ބަދަލުކުރުމަށް ވަތަން އެދޭ ގޮތަށް ތާއީދުކުރުމަށް ޓޫރިޒަމް ދާއިރާގައި މަސައްކަތްކުރައްވާ ހުރިހާ ފަރާތްތަކަށް ގޮވާލައްވާފައެވެ. ޓޫރިޒަމް ދާއިރާގެ މަސައްކަތްތެރިންނަށް ގާނޫނުން ލިބޭ ބާރުތައް ލިޔެވިފައިވީނަމަވެސް މި އަނިޔާވެރިވެރިކަމުގައި އެބާރުތައް ހަގީގަތުގައި ލިބެން ނެތްކަމަށް އެބޭފުޅުން ފާހަގަކުރެއްވިއެވެ. އެގޮތުން ސަރުކާރުގެ ގެޒެޓްގައި ގާނޫނު ޝާއިއުކުރުމަށްފަހުވެސް އަދިވެސް މިގާނޫނަށް އަމަލުކުރެވެމުންނުދާކަމަށް އެބޭފުޅުން ފާހަގަކުރެއްވިއެވެ. އަދި ލީގަލީ ގާނޫނު ލިޔެވިފައިވަނީ ކޮންމެ ފަރާތަކަށްވެސް އެބޭނުންގޮތަކަށް ތަރުޖަމާކުރެވިދާނެ ފަދަ ގޮތަކަށް ކަމަށްވެސް އެބޭފުޅުން ވިދާޅުވިއެވެ. މިކަން މިގޮތަށް މިހާރުވެސް ކުރެވެމުންދާކަމަށް އެބޭފުޅުން ވިދާޅުވިއެވެ.

ޓީމްގެ ފަރާތުން ވަތަން އެދޭގޮތަށް ތާއީދުކުރުމަށް ނިންމެވީ އެޖަމިއްޔާގެ ހިންގާކޮމިޓީގެ 71 އެޖެންޓްގެ މެމްބަރުން އެއްބަސްވެގެންކަމަށް އެބޭފުޅާ ވިދާޅުވިއެވެ.

މައުމޫނުގެ 30 އަހަރުގެ ދިގުވެރިކަން ބަދަލުކުރުމަށް ކުރަމުންދާ މަސައްކަތަށް ތާއީދުކޮށް ރީތިރަށް ރިސޯޓްގައި ޖަހައެއް ހުޅުވައިފި

editor — Sun, 26 Oct 2008 22:58:42 +0000

ރާއްޖޭގައި ވޭތިވެދިޔަ 30 އަހަރު ރައީސް މައުމޫނު ކުރަމުންދިޔަ ވެރިކަން ބަދަލުކޮށްލުމަށްޓަކައި ރީތިރަށް ރިސޯޓުގެ މުވައްޒަފުން އެރިސޯޓުގައި ޖަގަހައެއް ރޭ ހުޅުވައިފިއެވެ.

މިކަމުގައި އިސްކޮށް ހަރަކާތްތެރިވާ ފަރާތްތަކުން މައުލޫމާތު ދެއްވި ގޮތުގައި ބިލަތް ޖަގަހައިގެ ނަމުގައި ހުޅުވި މިޖަގަހައިން ކުރާނެ މަސައްކަތްތަކަކީ ވަތަން އެދޭގޮތަށް ގުޅިފައިވާ އިއްތިހާދަށާއި އެމްޑީޕީއިއްތިހާދުގެ ރިޔާސީ ކެންޑިޑޭޓް މުހައްމަދު ނަޝީދު (އަންނި)އަށް ރީތި ރަށުގެ މުވައްޒަފުންގެ މެދުގައި ތާއީދު އިތުރުކުރުމެވެ. އަދި އިއްތިހާދުގައި ހިމެނޭ ޕާޓީތަކުގެ ޖަލްސާތަކުގެ ސީޑީ ދެއްކުމާއި މުވައްޒަފުންގެ މެދުގައި މަޝްވަރާކޮށް ހިޔާލުބަދަލުކުރުންވެސް މި ޖަގަހައިގައި ކުރިޔަށް ދާނެކަމުގައި އެފަރާތްތަކުން މައުލޫމާތު ދެއެވެ.

މީގެ އިތުރުން މާލޭގައި ވެސް ރޭވަނީ ޖަގަހައެއް ހުޅުވާފައެވެ. ގުރާބުތުނޑި ޖަގަހައިގެ ނަމުގައި ބޮޑުތަކުރުފާނުމަގުގައި ކަސްޓަމްސް ސަރަހައްދުގައި ހުޅުވި މިޖަގަހަ ހުޅުވައިދެއްވީ އެމްޑީޕީ އިއްތިހާދުގެ ރަނިންމޭޓް ޑރ މުހައްމަދު ވަހީދު ހަސަން މަނިކެވެ.