މިއަހަރު އޮންނަ ރިޔާސީ އިންތިހާބުގައި ވާދަކުރެއްވުމަށްޓަކައި ނަން ހުށަހެޅުއްވި ފުރަތަމަ ބޭފުޅުންގެ ގޮތުގައި އެމްޑީޕީގެ ރިޔާސީ ކެންޑިޑޭޓާއި އެބޭފުޅާގެ ރަނިންމޭޓްގެ ނަން އިލެކްޝަންސް ކޮމިޝަނަށް ހުށަހަޅުއްވައިފިއެވެ.

ރިޔާސީ ކެންޑިޑޭޓް މުހައްމަދު ނަޝީދު (އަންނި) އަދި ރަނިން މޭޓް ޑރ. މުހައްމަދު ވަހީދު ހަސަން މަނިކުގެ ނަން ހުށަހެޅުއްވާފައިވަނީ ބުރާސްފަތި ދުވަހުގެ މެންދުރު ފަހުގެ ވަގުތެއްގައެވެ. ކެންޑިޑޭޓާއި ރަނިންމޭޓްގެ އިތުރުން ކެންޑިޑޭޓްގެ ކެމްޕޭން އެޖެންޓާއި ކެމްޕޭންގެ ރަސްމީ އޮޑިޓަރުގެ ނަމާއި އެހެންނިހެން ލިޔުންތައްވެސް ހުށަހަޅުއްވާފައިވެއެވެ.

ކެމްޕޭން އެޖެންޓެއްގެ ގޮތުގައި ހަމަޖައްސަވާފައިވަނީ މ. ސަލްޖަމްގޭ މުހައްމަދު ޒިޔާދުއެވެ. ކެމްޕޭން އޮޑިޓަރެއްގެ ގޮތުގައި ހަމަޖައްސަވާފައިވަނީ އަބްދުލް ހަމީދު އަބްދުލްކަރީމެވެ.
ޚަބަރުލިބިފައިވާ ގޮތުގައި 48 ގަޑި އިރުތެރޭގައި ކެންޑިޑޭޓްގެ ނަން ބަލައިގަތްކަމުގެ ޖަވާބު އިލެކްޝަންސް ކޮމިޝނުން ދެއްވާނެއެވެ