އިންތިޚާބުގެ ކުރިއަށް އޮތް ބުރު ކާމިޔާބު ވިޔަސް ދިވެހިރައްޔިތުންގެ ކިބައިން ނުވަތަ މައުމޫންގެ ސަރުކާރާ ދެކޮޅު ބޭފުޅުންގެ ކިބައިން ބަދަލު ނުހިއްޕަވާނެ ކަމަށް މައުމޫން އަބްދުލްޤައްޔޫމް ވިދާޅުވަމުން ގެންދެވި ނަމަވެސް އެކަން އެގޮތަށް ނުކުރައްވާނެ ކަމަށާއި މައުމޫންގެ ސަރުކާރު ނިމުމަކަށް ގެންނަން މަސައްކަތް ކުރާ ކޮންމެ ބަޔަކަށް އަނިޔާދީ ބަދަލު ހިއްޕަވާނެ ކަމަށާއި އެއީ ތާރީޚުން އަންގައިދޭ ހަގީގަތެއް ކަމަށް ލ.އަތޮޅު އިއްޒަތްތެރި މެންބަރު ރީކޯ މޫސާމަނިކު ވިދާޅުވެއްޖެއެވެ.

ވަޠަން އެދޭގޮތަށް ކެމްޕޭންގެ ފަރާތުން މާލެ ވިލިނގިނލީ ރައްޔިތުންނާ ބައްދަލު ކުރައްވާ ވާހަކަފުޅު ދައްކަވަމުން މޫސަ ވިދާޅުވީ ރައީސް މައުމޫން ކިޔަވައި ވިދާޅުވަން ހުންނެވިއިރު، ލީބިޔާއިން ހަތިޔާރު އެތެރެކޮށްގެން އިބްރާހިމް ނާސިރުގެ ވެރިކަން ވައްޓާލުމަށް ރާވައި ހަތިޔާރު ހޯދުމަށް ޓިމެއް ލިބިޔާއަށް ފޮނުއްވިކަން އެކަމުގައި އުޅުއްވި ބޭފުޅުން މޫސަގެ އަރިހު ވިދާޅުވެފައިވާ ކަމަށެވެ.

މޫސަ އަށް ޖަލުގައި ދިން އަނިޔާތަކަށް އިޝާރާތް ކުރައްވައި، މަސްއޮޑި ނަސީމް މެންނަށާއި ކުވާ މުޙައްމަދު މަނިކުމެންނަށް ހެއްދެވި ގޮތާއި އޮގަސްޓް ބާރަތޭރައިގެ ހާދިސާގފައި ކަން ހިނގާ ދިޔަ ގޮތަށް އިޝާރާތް ކުރައްވައި މޫސަ ވިދާލުވީ މިފަހަރު މައުމޫނަށް ކާމިޔާބު ލިބިވަޑައިގެންފިނަމަ، އިސްލޙަށް މަސަްކަތް ކުރި އެންމެންގެ ބޯ ކަނދުރާއާ ވަކި ކުރާނެ ކަމީ ގައިމު ކަމެއް ކަމަށެވެ.

މައުމޫން އަބްދުލްޤައްޔޫމަކީ އަނިޔާވެރިއެއް ކަމަށައި އޭނާ ހައްޔަރު ކޮށްދެއްވުމަށް ސިފައިންނާއި ފުލުހުންނަށް މޫސަ ގޮވައިލެއްވިއެވެ.

Photos by M I Maniku